ഷിപ്പ്മെന്റ് രേഖകളുടെ ഡിജിറ്റലൈസേഷൻ ആണ് സാധ്യമായത്
തിരുവനന്തപുരം: സിംഗപ്പൂര്‍ എയര്‍ലൈന്‍സിനായി ചരക്ക് നീക്ക രേഖകള്‍ സൂക്ഷിക്കുന്നതിന് നൂതനസംവിധാനം വികസിപ്പിച്ചു കേരളത്തിൽ നിന്നുള്ള മുൻനിര സോഫ്റ്റ് വെയര്‍ സ്ഥാപനമായ ഐബിഎസ്. ചരക്ക് ക്രയവിക്രയം പൂര്‍ണമായും ഡിജിറ്റലൈസ് ചെയ്യുന്നതു വഴി അയാട്ടയുടെ വണ്‍ റെക്കോര്‍ഡ് മാനദണ്ഡം പാലിക്കുന്നതിനുള്ള സുപ്രധാന കാല്‍വയ്പ് ആണിത്. കാര്‍ഗോ കമ്മ്യൂണിറ്റി നെറ്റ് വര്‍ക്ക് (സിസിഎന്‍) വഴി വിമാനങ്ങളിലെ ചരക്ക് നീക്ക രേഖകള്‍ വണ്‍ റെക്കോര്‍ഡ് പ്ലാറ്റ് ഫോമിലേക്ക് സമന്വയിപ്പിക്കുന്നതിനുള്ള ആദ്യ ഘട്ടം ഇരുകമ്പനികളും വിജയകരമായി പൂര്‍ത്തിയാക്കി. സിസിഎന്നിലെ ഡാറ്റാ എക്സ്ചേഞ്ച് പ്രോഗ്രാമായി ക്യൂബ്ഫോര്‍ഓള്‍ വഴി നിസ്സീമമായ ഡാറ്റാ കൈമാറ്റം സാധ്യമാക്കും. സിംഗപ്പൂരില്‍ നടന്ന അയാട്ട വണ്‍ റെക്കോര്‍ഡ് റോഡ്ഷോയിലാണ് ഇത് അവതരിപ്പിച്ചത്.
കാര്‍ഗോ വ്യോമയാനമേഖലയില്‍ ഏറ്റവും കൂടുതല്‍ കൈകാര്യം ചെയ്യുന്ന ഒന്നാണ് ചരക്ക് നീക്ക രേഖകള്‍. സെയില്‍സ്, പ്ലാനിംഗ്, എക്സിക്യൂഷന്‍ എന്നിവയില്‍ ഏറെ നിര്‍ണായകമാണിത്. ഒരു രേഖയുടെ തന്നെ വിവിധ പകര്‍പ്പുകള്‍ ഈ ചരക്കുമായി ബന്ധപ്പെട്ട എല്ലാവരുടെയും പക്കല്‍ നല്‍കേണ്ടതുണ്ട്. ഇത് കടലാസ് പകര്‍പ്പായതിനാല്‍ തന്നെ കാര്യക്ഷമമല്ല. പുതിയ സാങ്കേതികവിദ്യയിലൂടെ ഇത്തരത്തിലുള്ള പ്രവര്‍ത്തനപോരായ്മകള്‍ പരിഹരിക്കാനാകും. ചരക്ക് നീക്ക രേഖ ഡിജിറ്റൈസ് ചെയ്യുന്നതിലൂടെ ഈ വിവരങ്ങള്‍ ദീര്‍ഘകാലത്തേക്ക് സൂക്ഷിക്കാനാകും. ഭാവി തീരുമാനങ്ങള്‍, റവന്യൂ കണക്കുകള്‍, സുതാര്യത എന്നിവ ഉറപ്പുവരുത്താനും ഈ സമഗ്രമായ ഡാറ്റാ സഹായിക്കും. വ്യോമയാന ചരക്ക് ഗതാഗതത്തിലെ എല്ലാ പങ്കാളികള്‍ക്കും ലഭിക്കാന്‍ പാകത്തിന് ചരക്ക് നീക്ക രേഖ എത്തിക്കാന്‍ ഐബിഎസിന്‍റെ സേവനത്തിലൂടെ സാധിക്കും.
വിവരങ്ങളിലെ ആവര്‍ത്തനം, സമഗ്രതക്കുറവ്, കാലഹരണപ്പെട്ട സമ്പ്രദായം എന്നിവയ്ക്കുള്ള ശാശ്വത പരിഹാരമാണ് ഡിജിറ്റല്‍ ചരക്ക് നീക്ക രേഖ. വണ്‍ റെക്കോര്‍ഡ് മാനദണ്ഡം പാലിക്കുന്നതിലൂടെ കൂടുതല്‍ നൂതനാശയങ്ങള്‍ നടപ്പാക്കാനും കാര്യക്ഷമത വര്‍ധിപ്പിക്കാനും സിംഗപ്പൂര്‍ എയര്‍ലൈന്‍സിനെ പ്രാപ്തമാക്കും. സിംഗപ്പൂര്‍ എയര്‍ലൈന്‍സ് പോലുള്ള ലോകോത്തര സ്ഥാപനവുമായുള്ള പങ്കാളിത്തം ഐബിഎസിനെ സംബന്ധിച്ച് ഏറെ പ്രധാനമാണെന്ന് ഐബിഎസ് സോഫ്റ്റ് വെയര്‍ കാര്‍ഗോ ആന്‍ഡ് ലോജിസ്റ്റിക്സ് സൊല്യൂഷന്‍സ് മേധാവി അശോക് രാജന്‍ പറഞ്ഞു. ഇന്നത്തെ കാര്‍ഗോ വ്യവസായത്തില്‍ സൂതാര്യതയും ഡാറ്റാ ലഭ്യതയും പരമപ്രധാനമാണ്. ഉപഭോക്താക്കളുടെ വര്‍ധിച്ചു വരുന്ന ആവശ്യങ്ങള്‍ നിറവേറ്റാന്‍ ഡാറ്റാ ഡിജിറ്റലൈസേഷന്‍ സവിശേഷ പങ്ക് വഹിക്കുന്നു. സിംഗപ്പൂര്‍ എയര്‍ലൈന്‍സ് പോലുള്ള മികച്ച കമ്പനികളുമായി ചേര്‍ന്ന് പ്രവര്‍ത്തിക്കാന്‍ സാധിച്ചതില്‍ അഭിമാനമുണ്ടെന്നും അദ്ദേഹം പറഞ്ഞു.
ബിസിനസിന്‍റെ എല്ലാ വശങ്ങളിലും നൂതനത്വം കൊണ്ടുവരാന്‍ എക്കാലവും ശ്രദ്ധിച്ചിട്ടുണ്ടെന്ന് സിംഗപ്പൂര്‍ എയര്‍ലൈന്‍ കാര്‍ഗോ വിഭാഗം വൈസ് പ്രസിഡന്‍റ് മാര്‍വിന്‍ ടാന്‍ പറഞ്ഞു. ഐബിഎസുമായി ചേര്‍ന്ന് ഡിജിറ്റല്‍ ഷിപ്മന്‍റ് സൊല്യൂഷന്‍ വികസിപ്പിച്ചെടുത്തതിലൂടെ അയാട്ടയുടെ വണ്‍ റെക്കോര്‍ഡ് ലക്ഷ്യം കൈവരിക്കുന്നതിനും വാണിജ്യപങ്കാളികള്‍ക്ക് ഡാറ്റാ സുതാര്യത നല്‍കാനും സാധിക്കും. എയര്‍ കാര്‍ഗോ വ്യവസായത്തിന്‍റെ മാറി വരുന്ന ആവശ്യങ്ങള്‍ നിവര്‍ത്തിച്ച് കൂടുതല്‍ വാണിജ്യസാധ്യതള്‍ ഉപയോഗപ്പെടുത്താന്‍ ഇരു കമ്പനികള്‍ക്കും കഴിയും. ഈ പങ്കാളിത്തത്തിലൂടെ കാര്‍ഗോ ഡിജിറ്റലൈസേഷന്‍ രംഗത്ത് മുന്‍നിരയിലേക്ക് സിംഗപ്പൂര്‍ എയര്‍ലൈന്‍സും ഐബിഎസ് സോഫ്റ്റ് വെയറും എത്തിയെന്നും അദ്ദേഹം അഭിപ്രായപ്പെട്ടു.
സർക്കാരുമായി ഉണ്ടാക്കിയ ധാരണയുടെ അടിസ്ഥാനത്തിൽ, ഭൂരിപക്ഷ വോട്ടുകളുടെ പിന്തുണയോടെ ഇംഗ്ലണ്ടിലെ ജൂനിയർ ഡോക്ടർമാരുടെ സമരം ഒത്തുതീർപ്പായി. രണ്ടുവർഷം കൊണ്ട് 22%…
വിനോദ യാത്രകൾക്കായി ഇന്ത്യക്കാർ ചെലവിടുന്ന തുകയിൽ ഗണ്യമായ വർധനയെന്ന് ആർബിഐയുടെ കണക്കുകൾ. ഇന്ത്യൻ പൗരന്മാർ പ്രതിമാസം 12500 കോടി രൂപ…
ആഗോള തലത്തിൽ മുൻനിര ബാങ്കിങ് സ്ഥാപനമായ സിംഗപ്പൂരിലെ സ്റ്റാൻഡേർഡ് ചാർട്ടേർഡ് ബാങ്കിന്റെ മാനേജിങ് ഡയറക്ടറായി മലയാളിയായ ജോൺ ജോർജ് നിയമിതനായി.…
ഐഐടി ഡൽഹിയുടെ അബുദാബി ക്യാംപസ് പൂർണതോതിൽ പ്രവർത്തനമാരംഭിച്ചു. പിജി കോഴ്‌സുകൾക്ക് പുറമെ ക്യാംപസിൽ ആദ്യ ബി.ടെക്. ബാച്ചിന്റെ ക്ളാസുകളും തുടങ്ങി.…
ഇന്ത്യയിൽ നിന്നുള്ള യുഎഇ യാത്രക്കാർക്കായി കൊട്ടക് മഹീന്ദ്ര ബാങ്ക് 'കൊട്ടക് ഫാല്‍ക്കണ്‍' എന്ന പേരിൽ സിംഗിള്‍ കറന്‍സി പ്രീപെയ്ഡ് ഫോറെക്‌സ്…
ദുബായിലെ ഇന്ത്യൻ കോൺസുലേറ്റിൽ ഇന്ത്യൻ കോൺസുലേറ്റ് സഹായ കേന്ദ്രം പ്രവർത്തനം തുടങ്ങി. രാവിലെ 8 മുതൽ വൈകുന്നേരം 6 വരെ…