യുകെയിൽ വിവിധ തൊഴിലുകളിൽ ശമ്പള വർധനയുണ്ടാകും

യുകെയിലെ വിവിധ തൊഴിൽ മേഖലകളിൽ ശമ്പള വർദ്ധന നടപ്പാക്കുമെന്ന് ചാൻസലർ റേച്ചൽ റീവ്സ്. നഴ്സുമാർ, അധ്യാപകർ, സായുധസേന – പോലീസ് ജീവനക്കാർ തുടങ്ങിയ വിഭാഗങ്ങളെല്ലാം ഗുണഭോക്താക്കൾ ആകും. ഇവർക്ക് ശരാശരി 5-6% ശമ്പള വർദ്ധന ഉണ്ടാകുമെന്നാണ് റിപ്പോർട്ട്. ജൂനിയർ ഡോക്ടർമാർക്ക് രണ്ടു വർഷത്തിനുള്ളിൽ 22 ശതമാനം ശമ്പള വർദ്ധന സാധ്യമാകുന്ന പദ്ധതിയും മുന്നോട്ട് വച്ചിട്ടുണ്ട്.

നഴ്സിംഗ്, അധ്യാന മേഖലകളിൽ ജോലിചെയ്യുന്ന ഒട്ടേറെ മലയാളികൾക്ക് ശമ്പള വർദ്ധനവിന്റെ പ്രയോജനം ലഭിക്കുമെന്നാണ് സൂചന. അതേസമയം ശമ്പള വർദ്ധന സർക്കാരിന് 9.4 ബില്യൻ പൗണ്ടിന്റെ അധിക ബാധ്യത സൃഷ്ടിക്കുമെന്ന് വിലയിരുത്തുന്നു. അതുകൊണ്ട് തന്നെ സർക്കാർ ചെലവുകൾ നിയന്ത്രിക്കുന്നതിനുള്ള കർശന നടപടികളും ചാൻസലർ പ്രഖ്യാപിച്ചിട്ടുണ്ട്.